काठमाडौँ । थापाथली इञ्जिनियरिङ कलेजमा अध्ययनरत एक जना विद्यार्थी मृत भेटिएका छन् । त्रिपुरेश्वरस्थित राहदानी विभाग अगाडि उनको शव भेटिएको हो ।

जिल्ला प्रहरी परिसर काठमाडौंका अनुसार गत आइतबारदेखि हराएका ललितपुर सानेपा घर भएका २२ वर्षीय अभिशेष जैसवालको शव मृत अवस्थामा भेटिएको हो ।

शव भेटिएसँगै अपराध अनुसन्धानमा प्रयोग हुने कुकुरलाई घटनास्थलमा लगिएको थियो । प्रहरीको प्रारम्भिक अनुसन्धानअनुसार उनले आफै हामफालेर आत्महत्या गरेको देखिएको छ । उनको शवलाई पोष्टमार्टमपछि परिवारको जिम्मा लगाइएको छ ।

सिभिल इञ्जिनियरिङ पढेका उनले पछि आर्किटेक्चर पढ्न थालेका थिए । उनी पढाइमा अब्बल रहेको परिवारले जनाएको छ ।