मेक्सिकोमा ह्वाट्सएपमा चलेको अफवाहकै कारण एक नेताले ज्यान गुमाउनु परेको छ।
उनले एक बच्चाको अपहरण गरेको आरोप लगाउँदै ह्वाट्सएपमार्फत अफवाह फैलिएको थियो। ३१ वर्षीय डेनियल पिकाजो नामक उनलाई करिब दुईजनाको भीडले पिटेर हत्या गरेको हो।
उनी पिकाजो पापटलाजोल शहरमा पुगेका थिए। उनलाई देखेर स्थानीय बासिन्दाले घेरा हाले र पिटीपिटी हत्या गरे। त्यसपछि एक खेतमा लगेर उनको शवलाई आगो लगाइदिएका थिए। स्थानीय अधिकारीहरूले उनको हत्यालाई बर्बर भनेका छन्।
उनी आफ्ना हजुरबुवा बस्ने शहरमा पुगेका थिए। स्थानीय बासिन्दाले चलाएको ह्वाट्सएप ग्रुपमा उनले बच्चाको अपहरण गरेको अफवाह फैलाइएको थियो। त्यसपछि आक्रोसित स्थानीय बासिन्दाले उनीमाथि बर्बरतापूर्ण आक्रमण गरेका थिए।
प्रहरीले रोक्ने प्रयास गरे पनि सफल भएन। स्थानीय सिटी काउन्सिलले घटनालाई बर्बरतापूर्ण भन्दै निन्दा गरेको छ। र, त्यसमा संलग्न सबैमाथि कानूनी कारवाही गर्ने बताएको छ।
