काठमाडौँ । भारत बिहारको समस्तीपुरमा मानवतालाई लज्जास्पद घटना सार्वजनिक भएको छ । मंगलबार यहाँको सदर अस्पतालमा पोष्टमार्टमपछि छोराको शव दिन गरिब अभिभावकसँग ५० हजार (नेपाली ८० हजार रुपैयाँ) रुपैयाँ मागेको थियो ।

परिवारसँग त्यति पैसा थिएन । पैसा जुगाड गर्न गाउँ फर्के । त्यसपछि उनीहरू गाउँमा भिख मागिरहेको देखिए । घरघरमा गएर आफ्नो असहायता सुनाएर सहयोगको अपिल गरे । यसै क्रममा कसैले भिडियो बनाए । जुन भाइरल भयो ।

वास्तवमा यो रकम अस्पतालका कर्मचारीले मागेका थिए । घटना अस्पताल व्यवस्थापनमा पुगेपछि हतारमा शव प्रहरीलाई बुझाइएको थियो । त्यसपछि बुधबार दाहसंस्कार गरिएको थियो । यता, परिवार गरिब भएकाले छोराको अन्तिम संस्कार पनि गर्न नसकेकाले स्थानीयले सहयोग गरेको गाउँले बताउँछन् ।

बेपत्ता थिए उनीहरूको छोरा

ताजपुर थाना अहर गाउँका महेश ठाकुरका २५ वर्षीय छोरा सञ्जिव ठाकुर गत जेठ १५ गतेदेखि बेपत्ता थिए । परिवारले धेरै अनुसन्धान गरे । असार ७ गते मुश्रीघरारी प्रहरी चौकी इलाकामा प्रहरीले एक अपरिचित युवकको शव फेला पारेको जानकारी पाए ।

त्यसपछि उनी मुश्रीघरारी प्रहरी चौकी पुगेका थिए । शव पोष्टमार्टमका लागि पठाइएको प्रहरी चौकीबाट जानकारी दिइएको छ । अभिभावक हतारमा अस्पताल पुगे ।

शव लिन ५० हजार रुपैयाँ मागेपछि

सुरुमा पोष्टमार्टम गर्ने व्यक्तिले शव देखाउन मानेनन् । पछि बिन्ती गरेपछि उनले शव देखाए जसमा बाबुआमाले छोरा सञ्जिव ठाकुरको पहिचान गरेका थिए । बुबाले शव मागेपछि कर्मचारीले ५० हजार ९भारु० मागे । पैसा नतिरेको भन्दै शव दिन मानेनन् ।

पैसा जोहो गर्न उनीहरू गाउँमा भिख मागिरहेको भिडियो सार्वजनिक भएपछि सिभिल सर्जन डा। एसके चौधरीले मिडियामार्फत जानकारी पाएपछि शव प्रहरीलाई बुझाए । यो मानवताको लागि लज्जास्पद कुरा हो ।

यसबारे छानबिन गरी कडा कारबाही गरिने छ । भिडियो सार्वजनिक भएपछि अस्पताल प्रशासनले हतारमा शव प्रहरीलाई बुझाएको थियो । त्यसपछि परिवारले अन्तिम संस्कार गरेका थिए ।