काठमाडौं- भारतको कंग्रेस-आईका पूर्वअध्यक्ष राहुल गान्धि सोमबार काठमाडौं आएका छन्।

उनी एक विवाह समारोहमा सहभागी हुन काठमाडौं आएको सुरक्षा स्रोतले पुष्टि गरेको छ। उनी भिस्तारा एयरलाइन्सको विमानबाट अपराह्न करिब पौने पाँच बजे त्रिभुवन अन्तर्राष्ट्रिय विमानस्थलमा उत्रिएका थिए।

विमानस्थलबाट उनी सीधै नक्साल नागपोखरीस्थित होटेल मेरियट पुगेका थिए। उनको राजनीतिक भेटघाटको सूची नरहेको स्रोतले उल्लेख गरेको छ। सामाजिक सञ्जालमा सक्रिय उनले काठमाडौं आएको सार्वजनिक गरेका छैनन्।