काठमाडौं- पछिल्लो समय विश्वमा सबैभन्दा धनी एलन मस्कको एक ट्विटले ठूलो चर्चा पाएको छ। उनले ट्विटमा भनेका थिए, ‘अब म कोकाकोला किन्न चाहन्छु, जसमा कोकिन मिसाउन चाहन्छु।’
सन् १८८५ मा कोकाकोला पहिलोपटक बजारमा ल्याएका थिए, फार्मासिस्ट जोन पेम्बर्टनले। उनी पहिले सेनाका कर्णेल थिए। पछि अमेरिकाको गृहयुद्धमा घाइते भए। अफिमको लत थियो, उनमा। उनले समाधान खोज्न थाले। त्यसैको फलस्वरुप पहिलोपटक कोकाको फ्रेन्च वाइन बनाए।
तर, सन् १८८६ मा अमेरिकामा वाइनमाथि प्रतिबन्ध लाग्न पुग्यो। यसै क्रममा उनी केही फरक खालको वाइन बनाउन चाहन्थे। उनको यही चाहनाले कोकाकोलाको जन्म हुन पुग्यो।
एलन मस्कको ट्विटपछि कोकाकोलामा वास्तवमा कोकिन मिसिएको थियो कि थिएन भनेर छलफल भएको छ। तर, कोकाकोला बनाउन प्रयोग हुने कोका नामक वनस्पतिको पातमा ०.२५ देखि १ प्रतिशतसम्म कोकिन पाइने अध्ययनले देखाएको छ।
यस्तै, कोकाकोला बनाउन प्रयोग हुने कोला नामकको वनस्पतिको फलमा २ देखि ४ प्रतिशतसम्म कफिन पाउने अध्ययनबाट पुष्टि भएको छ। यी दुई वनस्पतिको प्रयोगबाट कोकाकोला बन्ने गरेको पाइन्छ।
सोही कारण एलन मस्कका् ट्विटको आशय यथार्थ हुन सक्ने समाचारमा जनाइएको छ। तर, कोकाकोला कम्पनीले आफूहरूले कुनै प्रकारको अखाद्य वस्तुको मिसावट नगरेको बताउँदै आएको छ।
