काठमाडौँ । राष्ट्रसंघका महासचिव एन्टोनियो गुटेर्रेस युद्ध अन्त्यका लागि रुस र युक्रेन जाने भएका छन् । उनी पहिला यही अप्रिल २६ मा रुस जाने र २८ मा युक्रेन जाने तय भएको हो ।
उनलाई दुवै देशमा राष्ट्रपतिले स्वागत गर्ने जनाइएको छ । रुसमा गएका बेला उनले राष्ट्रपति भ्लादिमिर पुटिन र विदेश मन्त्री सेर्गेइ लाभ्रोभलाई भेटेर युक्रेनमाथिको आक्रमण रोक्न आग्रह गर्ने भएक छन् ।
महासचिव गुटेर्रेसका सहायक प्रवक्ता एरि कानेकोले दुवै जनासँग वार्ताका लागि उनी मस्को जान लागेको पुष्टि गरे । दुवै जनासँग एकै दिन भेटवार्ता हुने पनि उनले स्पष्ट पारेका छन् ।
त्यसपछि उनी युक्रेन पुगेर त्यहाँका उच्च अधिकारीसँग भेटवार्ता गर्ने भएका छन् । ‘युक्रेन भ्रमणका लागि पनि महासचिवले तयारी गर्नु भएको छ,’ सहायक प्रवक्ता कानेकोले भने ।
गत मंगलबार महासचिव गुटेर्रेसले चार दिन बिदा दिन दुवै पक्षलाई अनुरोध गरेका थिए । उनले शान्ति प्रक्रिया अगाडि बढाउन दुवै देशका उच्च अधिकारीलाई अनुरोध गरी वार्तामार्फत विवाद अन्त्य गर्न पहल गर्ने भएका छन् ।
युक्रेनमा उनले राष्ट्रपति भोलोदिमिर जेलेन्स्कीलाई र विदेश मन्त्री दिमित्रो कुलेबालाई भेट्ने कार्यक्रम रहेको छ ।
