मेष- सन्तान वा अनुयायीका माध्यमबाट फाइदा उठाउन सकिनेछ। यात्राको योग छ। मान्यजन वा अभिभावकवर्ग रुष्ट हुन सक्छन्। जग्गा-जमिन वा घरायसी सम्पत्तिको चिन्ताले सताउन सक्छ। समाजमा तपाईंका कुरा काट्नेको कमी हुने छैन। आकस्मिक यात्राको समय छ।
वृष- शरीरमा आलस्य र थकान अनुभव हुनेछ। अप्रिय समाचार सुन्नुपर्दा मन खिन्न हुनेछ। मानसिक तनाव सिर्जना हुनेछ। आकस्मिक रूपमा स्वास्थ्यमा समस्या आउन सक्छ। खर्च बढ्नुको साथै शरीरमा आलस्यता बढ्नेछ। विश्वास गरेकाबाट धोका हुन सक्छ।
मिथुन- मनग्य धन कमाउने अवसर मिल्नेछ। अरूको मन जित्न सजिलै सकिनेछ। आम्दानी बढ्ने र उठ्नुपर्ने रकम हातलागी हुने समय छ। कृषि तथा पशुधनबाट लाभ लिन सकिने छ। काममा रुचि घट्नेछ भने मनमा खराब विचारहरूले डेरा जमाउने छन्।
कर्कट- अरूबाट तपाईंका कामको उच्च मूल्यांकन हुने संकेत छ। बोलीको कदर हुनेछ। कुनै विशेष खुशीको समाचार सुन्न पाइएला। राम्रो कामको लागि काम गर्ने वातावरण मिल्ला। दिनदुःखीलाई दिएको सहयोगको फलका रूपमा रोकिएको काम बन्न सक्छ। धन लगानी गर्ने अवसर पाउनुहुनेछ।
सिंह- व्यावसायिक क्षेत्रमा लाभप्रद छ। पुराना इष्टमित्र र प्रेमी-प्रेमिकाको मिलन हुने समय छ। उद्योग र व्यापारमा विशेष फाइदाको योग छ। सहयोगीहरूले साथ दिनेछन् र काममा सोचेजस्तै सफलता मिल्नेछ। सहयोग, पुरस्कार र हौसलामा वृद्धि हुनेछ। बिग्रिएका कामहरू बन्ने छन्।
कन्या- बोलीको विपरीत अर्थ लाग्न सक्छ, बोलीलाई नियन्त्रणमा राख्नुहोला। व्यापारमा हानी बेहोर्नुपर्नेछ। कर्मचारीले अपजस बेहोर्नुपर्नेछ। विश्वास गरेका व्यक्तिबाटै विश्वासघात हुने सम्भावना छ। यात्रा नगरेकै वेश हुनेछ। समाजमा प्रतिभाको कदर हुनेछ।
तुला- विश्वास गरेका व्यक्तिबाटै विश्वासघात हुने सम्भावना छ। पारिवारिक समस्याले मन खिन्न हुनेछ। अध्ययन, अध्यापन र लेखनमा खास अभिरुचि हुने छैन। चोटपटकको भय पनि छ। माता-पिताको स्वास्थ्यमा केही कमजोरी आउने देखिन्छ। सभा सम्मेलनमा सहभागी हुने अवसर मिल्ला।
वृश्चिक- मिष्ठान्न भोजन प्राप्त हुनेछ। पठन-पाठनमा प्रगति हुनेछ। नसोचेका कामहरू बन्ने छन्। आत्मविश्वास र शीघ्र निर्णय गर्ने क्षमता अभिवृद्धि हुनेछ। विपरीतलिंगीबाट सहयोग मिल्ला। प्रशस्त धन आर्जन गर्ने मौका छ। कर्मप्राप्तिको योग छ। राम्रै सफलता मिल्नेछ।
धनु- समय मनोरञ्जनपूर्ण रहनेछ। नयाँ ज्ञान सिक्ने मौका छ। व्यावसायिक यात्राको सम्भावना छ। दाजुभाइको प्रगतिको समाचार सुन्न पाइएला। पारिवारिक जीवन सामान्य र सन्तोषप्रद रहने छ। व्यवसायबाट प्रशस्त फाइदा उठाउने मौका छ। प्रतिस्पर्धीहरूले हार खान सक्छन्।
मकर- सानातिना काम र घरेलु समस्यामै समय व्यतीत हुनेछ। प्रत्येक काममा बाधा-अडचन आउने छ। वादविवादमा फस्ने र प्रतिफल प्राप्त नहुने क्षेत्रमा लगानी हुनेछ। बौद्धिक र सिर्जनात्मक सफलता मिल्नेछ। स्वास्थ्यमा गडबडी भई दैनिक कामकाजमा असर पर्ने सम्भावना छ।
कुम्भ- सामाजिक उत्तरदायित्व वहन गर्ने समय छ। परोपकार र धार्मिक क्षेत्रमा मन जानेछ। दाम्पत्य जीवन सुखद तथा समृद्ध बन्ने देखिन्छ। आम्दानी प्रशस्तै बढ्नेछ। पारिवारिक सुख मिल्नुका साथै अध्ययन अध्यापनको क्षेत्रमा प्रगतिको खबर सुन्न पाउनु हुनेछ।
मीन- काममा मातापिताको सहयोग प्राप्त होला। मातापिता वा विशिष्ट व्यक्तिको विचारले प्रभावित तुल्याउन सक्छ। सवारी साधन प्राप्तिको योग छ। व्यापारमा लाभ हुनेछ। धर्मकर्ममा रुचि बढ्नेछ। खेलकुद तथा कलाकारिता क्षेत्रमा रहनेहरूका लागि समय उत्साहप्रद देखिन्छ।