मलेसियाका राजा सुल्तान अब्दुल्लाह सुल्तान अहमद शाह र रानीलाई कोरोना संक्रमण पुष्टि भएको दरबारका अधिकारीले शनिबार जानकारी दिएका छन्।

उनीहरूमा हल्का लक्षणहरू देखिएका छन्। शाही दम्पती अहिले आइसोलसनमा छन्।

मलेसियामा शुक्रबार मध्यरातसम्म १७ हजार ४७६ कोभिड-१९ का नयाँ बिरामी देखिएका छन्। हालसम्म संक्रमित संख्या ४२ लाख १९ हजार ३९५ पुगेको स्वास्थ्य मन्त्रालयले जनाएको छ।

शुक्रबार थप ३० जनाको कोरोनाका कारण मृत्यु भएको छ। हालसम्म मलेसियामा कोभिड-१९ बाट मृत्यु हुनेको संख्या ३५ हजार १३ पुगेको छ।