लोक सेवा आयोगले नेपाल प्रहरीमा एआईजी बढुवाको सिफारिस सदर गरेको छ।

तीनजना डीआईजीले एआईजी बढुवाको निर्णयविरुद्ध लोकसेवामा उजुरी दिएका थिए। योसँगै बिहीबार बस्ने मन्त्रिपरिषद बैठकले डीईआईजीहरु वसन्तकुमार पन्त, धिरजप्रताप सिंह र रविन्द्रबहादुर धानुकलाई एआईजीमा नियुक्त गर्ने भएको छ।

गृह मन्त्रालयले १ चैतमा डीआईजीहरू वसन्तकुमार पन्त, धीरजप्रताप सिंह र रवीन्द्रबहादुर धानुकलाई एआईजी बढुवाको सिफारिस गरेको थियो। त्यसविरुद्ध डीआईजीहरू घनश्याम अर्याल, ईश्वरबाबु कार्की र प्रकाशजंग कार्कीले लोक सेवामा उजुरी दिएका थिए।

लोक सेवामा उजुरी अदालत जाने पहिलो खुड्किलो हो। आयोगको निर्णयविरुद्ध तीनजनै डीआईजी अदालत जाने तयारीमा छन्।