– सन् १८०९- स्विडेन र रुसबीच फ्रेडरिकसमन सन्धिमा हस्ताक्षर
सन् १८०९ मा आजकै दिन रुस र स्विडेनबीच फ्रेडरिकसमन सन्धिमा हस्ताक्षर भएको थियो। यसलाई हामिना सन्धिको नामबाट पनि चिनिन्छ। यस सन्धिले फिनिस युद्ध अन्त्य भएको थियो। स्विडेनका क्षेत्रहरू फिर्ता गरेर रुसका लागि फिनल्यान्डको गठन गरिएको थियो।
– सन् १८९४- यल्लो रिभरको लडाईंमा जापानको जित
प्योङयाङ युद्धमा विजय हासिल गरेको एक दिनपछि जापानले यल्लो रिभरको लडाईंमा चीनलाई पनि पराजित गरेको थियो। यसलाई यल्लो सीको युद्धको नामबाट पनि चिनिन्छ। र, यो चीन-जापान युद्धको एक हिस्सा थियो।
– सन् १९३९- आधा घण्टामै १० हजार मिटर दौडेर कीर्तिमान
विश्व इतिहासमा फिनल्यान्डका धावक टाइसो माकीले अनौठो कीर्तिमान कायम राखेका थिए। उनले आधा घण्टामै १० हजार मिटर दौडेर कीर्तिमान राखेका हुन्। उनले उक्त दूरी पार गर्दा २९ मिनट ५२ सेकेन्ड मात्र भएको थियो।
– सन् १९७८- म्याम्प डेभिड सम्झौतामा हस्ताक्षर
आजकै दिन इजिप्टका राष्ट्रपति अनवर एल सदात र इजरायली प्रधानमन्त्री मेनाचेम बेगिनबीच क्याम्प डेभिड सम्झौतामा हस्ताक्षर भएको थियो। यो सम्झौता सन् १९७४ मा इजिप्ट र इजरायलबीच सम्पन्न शान्ति सन्धिको निरन्तरता थियो।
– सन् २०१८- नाइजेरिया बाढीमा गयो १०० को ज्यान
सन् २०१८ मा आजकै दिन अफ्रिकी मुलुक नाइजेरियामा आएको बाढीले १०० भन्दा बढीको ज्यान लिएको थियो। बेनू र नाइजर नदीमा आएको बाढीले ठूलो क्षति पुर्याएको थियो।
– सन् २०२४- म्यानमारमा तुफानले लियो २२६ को ज्यान
सन् २०२४ मा म्यानमारमा आएको शक्तिशाली तुफान यागीले २२६ जनाको ज्यान लिएको थियो। मुसलधारे वर्षा र बाढीमा परी ६ लाख ३१ हजार जनसंख्या प्रभावित भएको थियो। बाढीका कारण राजधानी नेपितसमेत तहसनहस भएको थियो।
– सन् २०२४- पेट्रोलभन्दा विद्युतीय कार बढी हुने पहिलो देश
सन् २०२४ मा आजकै दिन युरोपेली मुलुक नर्वे पेट्रोल गाडीभन्दा विद्युतीय कारको संख्या बढी भएको पहिलो देश बनेको थियो। सरकारले दिएको व्यापक कर छुटका कारण त्यो सम्भव भएको थियो।