काठमाडौँ । रुसले युक्रेनपछि मोल्दोवामाथि हमला गर्ने रणनीति बनाएको खुलासा भएको छ । बेलारुसका राष्ट्रपति अलेक्जेण्डर लुकान्शेकोले सुरक्षा परिषदको बैठकलाई सम्बोधन गर्दै यस्तो खुलासा गरेका हुन् ।
लुकान्शेकोले गल्ती गर्दै यस्तो खुलासा गरेको समाचार जनाइएको छ । रुस र युक्रेनबीच जारी युद्धमा बेलारुसले रुसको पक्ष लिँदै युक्रेनमाथि हमला गर्दै आएको छ । युद्ध नक्सा देखाउँदै लुकान्शेले रुसी राष्ट्रपति भ्लादिमिर पुटिनको रणनीतिबारे चर्चा गरेका थिए ।
लुकान्शेको पुटिनमा सबैभन्दा नजिकको मित्रका रुपमा पनि चिनिदै आएका छन् । त्यसैले उनलाई पुटिनको युद्ध रणनीतिबारे जानकारी रहेको छ । उक्त युद्ध नक्सा देखाउँदै लुकान्शेकोले आफ्ना उच्च अधिकारीलाई आगामी दिनमा बमबारी हुने स्थानहरू देखाएका थिए ।
लुकान्शेकोले युद्ध नक्सामा आगामी दिनमा रुसले बमबारी गर्ने भूमि देखाएका थिए । जहाँ युक्रेनसहित मोल्दोवासमेत देखाएका थिए । मोल्दोवा युक्रेनको छिमेकी मुलुक हो । त्यसैले लुकान्शेकोले देखाएको युद्ध नक्साअनुसार मोल्दोवामा पनि युद्ध हुन सक्ने छ ।
यस क्रममा राष्ट्रपति लुकान्शेकोले आफूहरूले युक्रेनको दाबी जस्तो रुसी पक्षमा युक्रेनमा सेना नपठाएको बताए । तर, बेलारूसका सैनिक उत्तर(पूर्वी युक्रेनी सहर चेर्निहिवमा पुगेका थिए ।
राजधानी किवभन्दा २७ किमीमा रुसी सेना
रूसी सेना युक्रेनको राजधानी किवभन्दा करिब २७ किलोमिटर मात्रै टाढा रहेको समाचार जनाइएको छ । उनीहरी एण्टोनोव हवाई अड्डामा पुगेको समाचार उल्लेख गरिएको छ ।
यसअघि करिब ६५ किलोमिटर लामो रुसी सेनाको बख्तरबन्द गाडीको लस्कर देखिएको थियो । अमेरिकी रक्षा विभाग पेण्टागनले रुसले आफ्नो सीमामा खटाएको करिब ७५ प्रतिशत सेना युक्रेनमा पठाएको दाबी गरेको छ । एजेन्सी
