काठमाडौं- चिनियाँ प्रविधि कम्पनी साओमीले सोमबार ‘एमआई ब्यान्ड ६’ सार्वजनिक गर्दैछ।

सोही दिन साओमीले आफ्नो कम्पनीको तीन नयाँ स्मार्टफोन एमआई ११ प्रो, एमआई ११ अल्ट्रा र एमआई मिक्स सिरिज स्मार्टफोन सार्वजनिक गर्ने जानकारी दिएको छ।

साओमीले जुलाई २०२० मा एमआई ब्यान्ड ५ लन्च गरेको थियो। यतिबेला केही नयाँ फिचर्सका साथ एमआई ब्यान्ड ६ लन्च गर्न लागिएको हो।

साओमीले ट्विटरमा २९ मार्चमा आफ्ना नयाँ सामग्री लन्च गर्ने बताएको छ। एमआई ब्यान्ड ६ मा नयाँ टाइम म्यानेजमेन्ट सिस्टम दिइने बताइएको छ।

यस सिस्टमअनुसार प्रयोगकर्ताले २५ मिनटसम्म नोटिफिकेसन म्युट राख्न सक्नेछन्। यसमा डाटा मनिटरिङको सहयोग पनि मिल्नेछ।