काठमाडौं- शाहरुख खान र दीपिका पादुकोणको पठानलाई लिएर ७ राज्यमा विरोध प्रदर्शन शुरु भएको छ । मध्य प्रदेश, राजस्थान बिहार, उत्तर प्रदेश, छत्तीसगढ, गुजरात र महाराष्ट्रमा प्रदर्शन भइरहेको छ।

बिहारको मुजफ्फरपुरमा शाहरुख खान र दीपिका पादुकोणसहित पाँच जनाविरुद्ध धार्मिक भावनामा चोट पुर्‍याएको र अश्लीलता फैलाएको आरोपमा मुद्दासमेत दर्ता गरिएको छ।

किन भइरहेको छ विवाद ?

फिल्म पठानको गीत ‘बेशरम रंग’मा दीपिका पादुकोणले भगवा रङको बिकिनी लगाएकी छन् । विपक्षीहरुले भगवा रङ हिन्दू धर्मको प्रतीक भएको भन्दै दीपिकाले यही रङ लगाएर बेशरमको बोल भएको गीतमा नाच्दै गरेको निकै आपत्तिजनक रहेको बताउँछन् ।