मुम्बई- एमएस राजामौलीको फिल्म ‘आरआरआर’ गोल्डेन ग्लोब अवार्डका लागि मनोनयनमा परेको छ।

उक्त फिल्मलाई ‘बेस्ट नन इंग्लिस ल्याङ्वेज’ तथा फिल्मको गीत ‘नाटु नाटु’लाई ‘बेस्ट ओरिजिनल स्कोर’ विधामा मनोनयन गरिएको छ।

गत मार्चमा रिलिज भएको ‘आरआरआर’मा रामचरण र जुनियर एनटीआरको मुख्य भूमिका छ। उनीहरू बाहेक आलिया भट्ट, अजय देवगण र श्रिया सारमको पनि भूमिका छ।

यस फिल्मले संसारभरबाट १२ सय करोड भारतीय रुपैयाँभन्दा बढी कमाइ गरेको थियो। यसलाई तमिल, तलुगु, मलयालम, कन्नड र हिन्दी भाषामा रिलिज गरिएको थियो।