काठमाडौँ । आर्थिक र राजनीतिक संकटबीच बीच सन् २०१५ देखि ७० लाखभन्दा बढी भेनेजुएली नागरिकले आफ्नो मातृभूमि छाडेका छन् । संयुक्त राष्ट्रसंघको एक तथ्यांक सार्वजनिक गर्दै उक्त जानकारी दिएको हो ।
विस्थापितमध्ये आधाभन्दा बढीले खाद्यान्न, आवास र स्थिर रोजगारीमा पहुँच गर्न चुनौतीहरू सामना गर्ने संयुक्त राष्ट्रले जनाएको छ । अन्य संकटबीच यी आप्रवासीलाई बिर्सिने खतरा रहेको सहायता एजेन्सीले चेतावनी दिएका छन् ।
अन्तर्राष्ट्रिय उद्धार समितिका अध्यक्ष डेभिड मिलिब्याण्डले बीबीसीलाई भने, “यो एउटा ठूलो लामो संकट हो, जसले ल्याटिन अमेरिकाको क्षेत्रलाई कम्पन गरिरहेको छ भन्ने कुरामा कुनै शंका छैन ।’
भेनेजुएला छाडेका ८० प्रतिशतभन्दा बढी ल्याटिन अमेरिका र क्यारिबियनमा बसोबास गरिरहेका छन् । जुन देश प्रायः आफ्नै नागरिकलाई स्वास्थ्य र शिक्षा प्रदान गर्न संघर्ष गरिरहेका छन् ।
राष्ट्रसंघको पछिल्लो तथ्यांकमा भेनेजुएलाको जनसंख्या सन् २०१५ मा ३०.०८ मिलियनबाट घटेर अहिले आधारित अनुमानित २८.२५ मिलियनमा पुगेको छ ।
कोलम्बियाका अधिकारीले दिएको तथ्यांकअनुसार हरेक दिन तीन हजारभन्दा बढी आप्रवासी त्यहाँ पुग्ने गरेका छन् । तीमध्ये अधिकांश भेनेजुएली छन् ।
