काठमाडौँ । राष्ट्रपति नायब बुकेले सात महिना अघि आपराधिक समूहविरुद्ध यद्ध घोषणा गरेदेखि हालसम्म एल साल्भाडोरमा प्रहरीले ५५ हजारभन्दा बढी गिरोहका सदस्यलाई पक्राउ गरेको छ ।
सरकारले वारेन्टबिना त्यस्ता संदिग्धहरूलाई पक्राउ गर्न आपतकालीन अधिकार दिएको गत मार्चदेखि अहिलेसम्म गिरोहका ५५ हजारभन्दा बढी पक्राउ गरिएको मन्त्री गुस्ताभो भिल्लाटोरोले बताएका छन् ।
कूल ६५ लाख जनसङ्ख्या रहेको देशमा विद्रोही गिरोहका सदस्यहरू पक्राउ पर्ने क्रम बढ्दो छ । ‘हामीले (संगठित अपराधविरुद्ध) युद्ध जित्दैछौं र यी आतङ्ककारीहरूलाई पक्राउ गर्न हरेक दिन हजारौं प्रहरी र सिपाहीहरू तैनाथ गरिरहने छौं,’ भिल्लाटोरोले उल्लेख गरेका छन् ।
प्रहरी र सैन्य बलहरूले एक हजार ६४४ थान बन्दुक, दुई हजार २६ सवारी साधन, १२ हजार ८४२ सेल फोन र १२ लाख मिलियन डलर बरामद गरेको बताइएको छ ।
कैदीहरूको बढ्दो सङ्ख्यालाई लक्षित गर्दै साल्भाडोरका न्यायिक अधिकारीले देशको मध्यभागमा रहेको ग्रामीण क्षेत्र टेकोलुकामा ४० हजार अट्न सक्ने क्षमताको जेल निर्माण गरिरहेका छन् ।
उक्त डिटेन्सन सेन्टर यस वर्षको अन्त्यसम्ममा सम्पन्न हुने अपेक्षा गरिएको छ ।
