स्टकहोम- सन् २०२२ को मेडिसिनतर्फको नोबेल पुरस्कार स्विडेनका वैज्ञानिक स्वान्ते पाबोलाई प्रदान गरिने भएको छ।

स्विडिस एकेडेमीले सोमबार उक्त निर्णय सार्वजनिक गरेको हो। ‘विलुप्त होमिनिनको जिनोम र मानव विकास’सँग सम्बन्धित शोधका लागि पाबोलाई पुरस्कार प्रदान गर्न लागिएको हो।

मेडिसिनतर्फको पुरस्कार घोषणासँग आगामी एक साताभर घोषणा हुने यस वर्षको नोबेल पुरस्कारको शुरुवात भएको छ। नोबेल पुरस्कार संसारको सबैभन्दा प्रतिष्ठित पुरस्कार हो। पुरस्कारको राशि एक करोड स्विडिस क्रोनर हुन्छ।

डाइनामाइटका आविष्कारक तथा स्विडेनका धनी व्यवसायी अल्फ्रेड नोबेलले यसको स्थापना गरेका थिए। सन् १८९६ मा आफ्नो निधनको एक वर्षअघि उनले पुरस्कार स्थापना गरेका थिए। सन् १९०१ देखि हरेक वर्ष विज्ञान, साहित्य, शान्तिलगायत क्षेत्रमा योगदान गर्नेहरूलाई नोबेल पुरस्कार दिइने गरेको छ।