काठमाडौं- एज ब्याण्डले सोल्टी होटलस्थित डान्स क्लब प्रिभे नेपालमा प्रस्तुति दिने भएको छ।
प्रिभे नेपालको रि-ओपनिङ कार्यक्रममा पोखरामा स्थापना भएको चर्चित सांगीतिक ब्यान्ड एजले प्रस्तुति दिने भएको हो।
यही १० भदौ तदनुसार २६ अगस्ट शुक्रबार आफ्नो ब्यान्डको प्रस्तुति रहने ब्यान्डका लिडर जीवन गुरुङले जानकारी दिए।
गुरुङले रि-ओपनिङ हुन लागेको प्रिभे नेपाललाई बधाइ दिँदै आफ्नो ब्यान्डको प्रस्तुति रहने सार्वजनिक गरेका छन्।
एज ब्यान्डको लाइभ प्रस्तुतीलाई ‘प्रिभे नेपाल’ले प्रिजेन्ट्स गरेको छ। इभेन्ट होस्ट श्रृजना रेग्मीले गर्ने भएकी छन्। ओपनिङ एक्ट डाइनामिक्स ब्यान्डले गर्नेछ। रेजिडेन्ट डीजेहरू सन्दीप, आशिष, रोलिङ र इराजको प्रस्तुती रहने ब्यान्डले जनाएको छ।
उक्त लाइभ प्रस्तुतीमा सहभागी हुन चाहनेहरूले प्रिभे नेपाल, होटेल सोल्टी, ई-सेवा र दराजमार्फत टिकट लिन सक्ने छन्। सहभागीलाई निःशुल्क पार्किङको व्यवस्था गरिएको छ। १८ वटा भन्दा बढी इभेन्ट हुने छन्।
सन् १९९८ पोखरामा स्थापना भएको एज ब्यान्ड चर्चित रक-पप ब्यान्ड हो। एजको पहिलो एल्बम सन् २००० मा रिलिज भएको थियो भने अर्को एल्बम २००६ मा सार्वजनिक भएको थियो।
के हो प्रिभे नेपाल ?
१० भदौदेखि रि-ओपनिङ हुन थालेको प्रिभे नेपाल एउटा डान्स क्लब हो, जुन नेपालको पाँचतारे होटेलमा सञ्चालित एक मात्र क्लब हो।
यो क्लब २०१८ मै शुरु भएको हो। अहिले यसलाई पुनः नयाँ व्यवस्थापनका साथ नेपालका एक प्रख्यात उद्यमीले सञ्चालनमा ल्याउँदै छन्। क्लब सोल्टी होटेलमै सञ्चालन हुँदैछ।
क्लबमा करिब एक हजार गाडी पार्किङको व्यवस्था छ। यसमा सुरक्षाको पूर्ण व्यवस्था छ।
