काठमाडौँ । बलिउड अभिनेता ऋतिक रोशनकी पूर्व पत्नी सुजैनले आफ्ना प्रेमी अर्सलान गोनीसँग विवाह गर्ने भएको छ । यो विवाहमा ऋतिक आफ्ना सन्तान, परिवार र प्रेमिकासँग सुजैनको विवाहमा सहभागी हुने भएका छन् ।

यससँगै ऋतिकले पनि आफ्नी प्रेमिका सबा आजादसँग बिहे गर्ने योजना बनाएको समाचारमा उल्लेख गरिएको छ । तर, अहिलेसम्म यो जोडीले विवाह गर्ने कि नगर्ने भन्ने निर्णय गरेको छैन ।

सुजैन खान र ऋतिक रोशन सन् २००० मा विवाह गरेका थिए । विवाहपछि सुजैनले रेहान र रिदान दुई छोरालाई जन्म दिएकी थिइन् । उनीहरूले सन् २०१४ मा सम्बन्ध विच्छेद गरेका थिए ।

सम्बन्ध विच्छेदपछि दुवै जनाले सन्तानलाई सँगै हुर्काउँदै आएका छन् । लक डाउनको समयमा सुजैन दुवैलाई लिएर ऋतिकको घरमा बस्न गएकी थिइन् । सम्बन्ध विच्छेदपछि दुवैको सम्बन्ध राम्रो हुँदै आएको छ ।