काठमाडौं । भारतको उत्कृष्ट आइटी कम्पनी एचसिएल टेक्नोलोजीकी चेयरपर्सन रोशनी नाडर मल्होत्रा सबैभन्दा धनी महिला बनेकी छन्।
उता, इनभेस्टमेन्ट बैंकिंग कैरियर छाडेर ब्युटी ब्रान्ड सुरू गर्ने फाल्गुनी नायर आफ्नै बलमा सबैभन्दा धनी महिलारूको शीर्ष स्थानमा छन्।
कोटक प्राइभेट बैंकिंग–हुरूनले भारतको सबैभन्दा धनी महिलाहरूको सूची सार्वजनिक गरेको छ। यो सूची ३१ डिसेम्बर २०२१ सम्म महिलाहरूको कूल सम्पत्तिको आधारमा तयार पारिएको हो।
रोशनी नाडरको कूल सम्पत्ति ५४ प्रतिशतबाट वृद्धि भएर ८४ हजार ३३० करोड पुगेको छ। उता फाल्गुनी नायरको कूल सम्पत्ति अब ५७ हजार ६२० करोड भएको छ। रिपोर्टअनुसार नायरको सम्पत्तिमा ९६३ प्रतिशत वृद्धि भएको हो।
सूचीमा भारतमा जन्मेकी सय महिला कारोबारीलाई स्थान दिइएको छ जसले सक्रिय रूपमा परिवारको बिजनेस चलाई रहेकी छन् वा आफ्नै व्यापार खडा गरेकी छन्।
सबै सय महिलाको कूल सम्पत्ति एक वर्षमा ५३ प्रतिशतले वृद्धि भएको छ। सन् २०२० मा यो २.७२ लाख करोड थियो। २०२१ मा यो बढेर ४.१६ लाख करोड भएको हो। भारतको जिडिपीमा यी महिलाहरूले २ प्रतिशत योगदान पुर्याएका छन्।
‘जेट सेट गो’ नामको कम्पनी सुरू गरेकी कनिका टेकरीवालले एभिएसन क्षेत्रमा आफूलाई उत्कृष्ट सावित गरेकी छन्। खासगरेर यस क्षेत्रमा पुरुषहरूको बर्चस्व रहेको ठानिन्छ।
३३ वर्षीया कनिकाले एभिएसन क्षेत्रमा सुरू गरेको उद्यमबारे धेरैलाई जानकारी नै छैन। कनिकाको कम्पनीले मानिसलाई प्राइभेट जेट र हेलिकप्टर उपलब्ध गराउँछ। यसबाट कुनै पनि व्यक्ति सहज तरिकाले प्राइभेट एयरक्राफ्ट, हेलिकप्टर र एयर एम्बुलेन्स भाडामा लिन सक्छन्।
‘आफूमाथि भरोसा’ राख्नुलाई जीवनको मूलमन्त्र बताउने कनिकाको सम्पत्ति ५० प्रतिशतले बढोत्तरी भएको छ। अब उनको कूल सम्पत्ति ४२० करोड रूपैयाँ भएको छ।
१७ वर्ष छँदा एभिएसन कम्पनीमा काम गर्दै गर्दा आफ्नो कारोबार सुरू गर्ने प्रेरणा पाएको उनी बताउँछन्। तर २० वर्ष उमेर पुग्दा उनले क्यान्सरसँग लडाइँ लड्नु पर्यो। क्यान्सरले उनलाई थप मजबुत बनायो। जीवनमा कुनै पनि चिज सजिलैसँग भेट्नुको अर्थ पूरा प्राप्त नभएको उनको ठहर छ।
‘सेल्फ मेड’ धनी महिला कारोबारीको सूचीमा पहिलो स्थानमा फाल्गुनी नायर छन्। तर, बाल्यकालमा उनको कारोबारी बन्ने कुनै रहर थिएन। विना मिहिनेत राम्रो स्कुल पाउँदा पढाइलाई लिएर बेपरवाह भएकी उनको जीवनमा कुनै लक्ष्य नै थिएन। गत वर्ष फाल्गुनीले ब्युटी स्टार्ट–अपको सेयर बजारमा जबर्जस्त सुरूवात गरिन्।
फाल्गुनीले २०१२ मा ‘नाइका’ को सुरूवात गरेकी थिइन्। त्यो कम्पनीले ब्युटी प्रोडक्ट्सका साथ बजारमा पाइला टेकेको थियो। अब उनीसँग फेसनसँग जुडेका फरक–फरक उत्पादनहरू छन्। हुरूनको सूचीमा सामेल हुँदा उनीसँग सय करोड रूपैयाँ थियो। तर, अहिले उनीसँग कम्तिमा ३ सय करोड रूपैयाँको सम्पत्ति छ।
