काठमाडौँ । करिब नौ वर्षपहिले बेलायतका जेम्स होवेल्सले आफ्नो हार्ड डिस्कमध्ये एउटा फोहोरसँगै फालिदिए । अहिले उनी सोही हार्ड डिस्क खोज्नका लागि अरबौँ रुपैयाँ खर्च गर्ने भएका छन् ।
उनले नौ वर्षपहिले फालेको हार्ड डिस्क खोज्नका लागि एक अर्ब ४२ करोड रुपैयाँ खर्च गर्ने भएका हुन् । उनले उक्त हार्ड डिस्क खोज्नका लागि यति ठूलो रकम खर्च गर्ने तयारी गरेका हुन् ।
उनले आफूले फोहोरसँगै फालेको हार्ड डिस्कमा ८ हजार बिटक्वाइन सेभ गरिएका थिए । ती बिटक्वाइनको मूल्य अहिले नेपाली बजारमा करिब २३ अर्ब रुपैयाँ हुन आउने समाचारमा जनाइएको छ ।
नेपाली बजारमा ती बिटक्वाइनको मूल्य २२ अर्ब ७० करोड ४० लाख रहेको जनाइएको छ । यति ठूलो रकम भएको बिटक्वाइन खोज्नका लागि उनले दुई वटा रोबोट कुकुर खटाउने योजना बनाएका हुन् ।
‘हामी रोबोट कुकुरहरूलाई रोमिङ सीसीटीभी क्यामेराको रूपमा प्रयोग गर्ने छौँ, यसले जमिन स्क्यान गर्न सक्छ,’ जेम्स भन्छन्, ‘दुई रोबोट कुकुर चाहिन्छ, जसले गर्दा एउटाले काम गरिरहेको बेलामा अर्कोको ब्याट्री चार्ज गर्न सकिन्छ, हामीले विशेषज्ञ सल्लाहकारको सहयोगमा हार्ड डिस्क खोज मास्टर प्लान सिर्जना गरेका छौँ ।’ एजेन्सी
