काठमाडौं– पेरुमा मंकीपक्सको सङ्क्रमण समुदायस्तरमै फैलिएको पाइएको छ। त्यहाँको राष्ट्रिय स्वास्थ्य विभागका प्रमुख भिक्टर सुआरेजले सो कुराको जानकारी दिएका हुन्।
उनले पेरुमा अहिलेसम्म दुई सय ३ जनामा यो सङ्क्रमण पाइएको भन्दै सङ्क्रमण समुदायस्तरमा नै फैलिएको पाइएको बताएका छन्।
सङ्क्रमितहरु अधिकांश पेरुको राजधानी सहर लिमाका छन्। पेरुको सरकारले मंकीपक्सको परीक्षणका लागि अलग्गै ल्याबको स्थापना गरेको छ र यसको सङ्क्रमणसम्बन्धी सूचना दिने पनि अलग्गै संयन्त्र राखिएको छ।
सो संयन्त्रअनुरूप मंकीपक्ससम्बन्धी परीक्षणको नतिजा २४ घन्टा भित्रै दिने गरिएको उनले बताएका छ । संक्रमण फैलिन नदिन उच्च सतर्कता अपनाइएको छ।
स्वास्थ्यमन्त्री जोर्ग लोपेजले पत्रकारहरूलाई बताएअनुसार ती सङ्क्रमितहरूमध्ये अधिकांश ३२ देखि ३७ वर्षको उमेर समूहका रहेका छन्। उनीहरूको स्वास्थ्य अवस्था भने सामान्य रहेको पाइएको उनले जानकारी दिए।
