नयाँदिल्ली- भारत मध्यप्रदेशमा यात्रीले भरिएको बस नदीमा खसेको छ। हालसम्म १२ जनाको शव नदीबाट निकालिएको अधिकारीहरूले बताएका छन्।

मध्यप्रदेशको धार जिल्लास्थित खलघाट सञ्जय सेतु नजिक महाराष्ट्र राज्य परिवहनको बस नदीमा खसेको हो। हालसम्म १५ जनाको जीवितै उद्दार गरिएको अधिकारीहरूको भनाइ छ।

उक्त बस इन्दौरबाट पुणे जाँदै थियो। खलघाट सञ्जय सेतुमा पुगेपछि बस अनियन्त्रित भएर नदीमा खसेको हो।