काठमाडौं– प्रवर्तन निदेशालयले सोमबार बलिउड अभिनेत्री ज्याकलिन फर्नान्डिजलाई मनी लन्ड्रिङ मुद्दामा सोधपुछ गरेको छ।

भारतीय सञ्चार माध्यमका अनुसार यो मनी लान्ड्रिंग मुद्दा जेलमा रहेका सुकेश चन्द्रशेखरसँग सम्बन्धित छ। ज्याकलिन फर्नान्डेज सोमबार ईडीको मुख्यालयमा देखा परिन्।

ईडीले उनलाई मुद्दामा बयान रेकर्ड गर्न बोलाएको थियो। अप्रिलको अन्त्यमा ईडीले ज्याकलिनको ७.२७ करोड रुपैयाँको सम्पत्ति जफत गरेको थियो।

उनीविरुद्ध सम्पत्ति शुद्धीकरण निवारण ऐन, २००२ अन्तर्गत मुद्दा दर्ता गरिएको छ। ईडीले यस मामिलामा ज्याकलिनसँग पहिले नै सोधपुछ गरिसकेको छ।