काठमाडौं- सोमबार देशका १४ जिल्लामा वर्षापछि बाढीको सम्भावना रहेको प्रक्षेपण गरिएको छ।

जल तथा मौसम विज्ञान विभागको बाढी पूर्वानुमान महाशाखाले ती जिल्लामा बाढीको सम्भावना रहेको जनाएको हो।

महाशाखाका अनुसार ताप्लेजुङ, संखुवासभा, पाँचथर, झापा, मोरङ, बारा, पर्सा, मकवानपुर, चितवन, नवलपरासी पूर्व, नवलपरासी पश्चिम, पाल्पा, रुपन्देही र कपिलवस्तुका नदीनालामा बाढी आउने सम्भावना देखिएको हो।

तर, देशका प्रमुख नदीहरूमा पानीको बहाव सतर्कता तहभन्दा तलै रहने महाशाखाको भनाइ छ।