काठमाडौं– अमेरिकी राष्ट्रपति जो वाइडेन साइकलबाट लडेका छन्।

शनिबार साइकल चलाइरहेको बेला सन्तुलन बिग्रिएपछि उनी लडेका थिए। उनीसँग रहेको सुरक्षा दस्ताले तुरुन्त उनको सहयोग गरेको थियो।

उनको जुत्ता साइकलको पाइडलमा अड्किएपछि घटना भएको थियो। साइकल रोक्न खोज्दा सन्तुलन मिलाउन नसकेपछि उनी लडेका थिए। आफ्नो सुरक्षा दस्ताको सहयोगले भूईबाट उठेपछि उनले आफूलाई कुनै हानी नभएको जनाएका थिए ।

ह्वाइट हाउसका एक अधिकारीका अनुसार राष्ट्रपतिले साइकलबाट उत्रिने क्रममा जुत्ता पाइडलमा अड्केको आफूहरूलाई बताएको जानकारी दिए। वाइडेनको स्वास्थ्य राम्रो भएको र उनलाई मेडिकलको आवश्यकता नभएको ह्वाइट हाउसले जनाएको छ।

वाइडेन साइकलबाट लडेको घटनाको भिडियो सामाजिक सञ्जालमा भाइरल भएपछि थुप्रै प्रतिक्रिया
आइरहेका छन् ।