काठमाडौँ । पाकिस्तानमा बस दुर्घटना हुँदा कम्तीमा २२ जनाको मृत्यु भएको छ । दक्षिण पश्चिम पाकिस्तानको दुर्गम स्थानमा सडकबाट खाल्डोमा बस खसेको हो ।

बलुचिस्तान प्रान्तको किल्ला सैफुल्लाह जिल्लामा भएको दुर्घटनामा महिला तथा बालबालिका बढी मात्रामा रहेको प्रहरीले जनाएको छ । सहायक जिल्ला प्रशासक मोहमद क्वासिमका अनुसार दुर्घटनामा सबै जनाको मृत्यु भएको छ ।

तीब्र गतिका कारण दुर्घटना भएको प्रहरीले जनाएको छ । दुर्घटनाप्रति पाकिस्तानका राष्ट्रपति अरिफ अल्भीले दुःख व्यक्त गरेका छन् ।