काठमाडौँ । कतारी राजकुमारी तथा पर्वतारोही शेखा आश्मा अलथानीले कञ्जनजंघाको शिखरमा पुग्ने पहिलो अरबी महिला बनेकी छन् । उनले ८,५८६ मिटरको उचाइको विश्वको तेस्रो अग्लो कञ्चनजंघा शिखर चढेकी हुन् ।

आफ्नो इन्स्टाग्राममा स्टाटस लेख्दै आश्माले कञ्चनजंघा शिखरमा पुग्ने पहिलो अरब नागरिक हुन पाएकोमा गर्व लागेको प्रतिक्रिया दिएकी छन् ।

‘म केही दिन बिरामी परेकी थिएँ, त्यसैले आँटेको हिमाल चढ्न सक्दिनँ झै लागेको थियो,’ उनले भनेकी छन्, ‘तर, जम्मा दुइ दिनमै भव्य कञ्चनजंघाको सफल आरोहण गरेँ।’

उनले हिमाल चढ्न सहज नभए पनि हिम्मत दिएको बताएकी छन् । उनले आफ्नो सफलतामा बलियो टिम र सहयोग साथ रहेको बताएकी थिइन् ।