काठमाडौँ । प्रधानमन्त्री शेरबहादुर देउवालाई १४ औँ महाधिवेशनमा सभापति बन्न साथ दिएका कांग्रेस नेता विमलेन्द्र निधिले सत्ता गठबन्धनको चुनावी सभालाई बहिष्कार गरेका छन् । आफ्नै गृह जिल्ला हुन लागेको सभामा निधि नजाने भएका हुन् ।
मधेस प्रदेशमा आज हुन लागेको गठबन्धनको चुनावी सभालाई बहिष्कार गर्ने भएका हुन् । जनकपुरमा आयोजना हुने चुनावी सभामा निधि नजाने भएका हुन् । योसँगै उनी पार्टीका वरिष्ठ नेता शेखर कोइरालाको पक्षमा देखिएका छन् ।
जनकपुरको चुनावी कार्यक्रमलाई छाडेर निधि धरानको सभामा सहभागी हुने भएका छन् । यस्तै, यसअघि काठमाडौँ र चितवनमा भएका चुनावी सभामा शेखर कोइराला पक्षका नेताहरूमा निमन्त्रण गरे पनि बहिष्कार गर्दै आएका थिए ।
जनकपुरको चुनावी सभामा सहभागी हुन प्रधानमन्त्री देउवा, नेता रामचन्द्र पौडेल, सहमहामन्त्रीद्वय भिष्मराज आङदेम्बे र महेन्द्र यादव जाने भएका छन् ।
यस्तै, माओवादी केन्द्रमा अध्यक्ष पुष्पकमल दाहाल प्रचण्ड पुगिसकेका छन् ।