काठमाडौँ । जिम्बावे ‘ए’माथि सानदार कमब्याक भएको छ । पहिलो खेलमा पराजित भएको नेपालले दोस्रो खेलमा जिम्बावेमाथि ८ विकेटको सानदार जित निकालेको छ ।

एक सय ३७ रनको लक्ष्य पछ्याएको नेपालले १५ ओभर ५ बलमा २ विकेट गुमाउँदै पूरा गरेको हो । नेपालका लागि ओपनर आसिफ शेखले सर्वाधिक ८७ रन बनाए । उनी नटआउट रहे ।

यस्तै, कुशल भुर्तेल २६ बलमा समान २ चौका र २ छक्कासहित ३४ रन बनाएका थिए ।

टस हारेर ब्याटिङ गरेको जिम्बावेले निर्धारित २० ओभरमा ७ विकेट गुमाउँदै १ सय ३६ रन मात्र बनाएको थियो । उसका लागि रोय कैयाले सर्वाधिक ४९ रन बनाएका थिए ।

जिम्बाबेलाई रोक्न कप्तान सन्दीप लामिछानेले २ विकेट लिए । यस्तै, सोमपाल कामी र बसिर अहमदले समान १–१ विकेट लिए ।