हिमाल राई
बराहक्षेत्र–७ मा स्थित उद्यमी क्लबको आयोजनामा १० किलोमिटर खुला दौड प्रतियोगिता बिहीबार सम्पन्न भएको छ।
निर्धारित दूरी ४० मिनट ३५ सेकेन्डमा पार गर्दै बराहक्षेत्र–३ का रोजन मगर प्रथम भए। ४२ मिनट १७ सेकेन्डमा पार गर्दै बराहक्षेत्र–३ कै आदेश भुजेल द्वितीय र ४३ मिनेट १९ सेकेन्डमा पार गर्दै बराहक्षेत्र–८ पुलाहाका कुलबहादुर सुवेदी तृतीय भए। महिलातर्फ निर्धारित १० कीमी दूरी ५५ मिनट २७ सेकेन्डमा पार गर्दै चतराकी अस्मिता राई प्रथम, ५६ मिनट ५३ सेकेन्डमा पार गर्दै सालवनीकी सरिक्षा बस्नेत द्वितीय र ५७ मिनट १० सेकेन्डमा पार गर्दै बराहक्षेत्र–७ हात्तीगौँडेकी पूर्णकुमारी खड्का तृतीय भए।
प्रथम, द्वितीय र तृतीयलाई क्रमशः २१ हजार, १६ हजार, ११ हजार रुपैयाँ, मेडल, ट्रफी र प्रमाणपत्र पत्र वितरण गरियो।
क्लबका अध्यक्ष विष्णु घिमिरेको अध्यक्षता र बराहक्षेत्र नगर प्रमुख निलम खनालको प्रमुख आतिथ्यमा सम्पन्न भएको कार्यक्रममा उपप्रमुख कमला मगर, नगर खेलकुद विकास समिति संयोजक आशाराम चौधरीलगायतको उपस्थिति थियो। ठूलो संख्याका नगरबासीले दौड अवलोकन गरेका थिए।
