काठमाडौं- जुम्ला सिँजा गाउँपालिका-३ नराकोटस्थित सडकमा भे.२ त १०४४ नम्बरको ट्याक्टरको ट्रलीबाट खसेर चन्दननाथ नगरपालिका-७ मिचा बस्ने २२ वर्षीय सन्तोष नेपालीको शुक्रबार साँझ मृत्यु भएको छ । खसेर गम्भीर घाइते भएका उनको कर्णाली स्वास्थ्य विज्ञान प्रतिष्ठान जुम्लामा उपचारको क्रममा मृत्यु भएको हो ।
सिरहा बरियारपट्टी गाउँपालिका-१ स्थित सडकमा प्र.२-०१-००३ प ५६१२ नम्बरको मोटरसाइकल आफै अनियन्त्रित भई शनिबार दिउँसो दुर्घटना हुँदा मोटरसाइकलमा सवार लक्ष्मिपुरपतारी गाउँपालिका-५ शिशवा खुरकियाही बस्ने ३४ वर्षीया राजनिति देवी यादवको मृत्यु भएको छ । दुर्घटनामा गम्भीर घाइते भएकी उनको उपचारको लागि धरान घोपातर्फ लैजाने क्रममा बाटोमै मृत्यु भएको हो । हाल फरार रहेका मोटरसाइकल चालकको प्रहरीले खोजी गरिरहेको छ ।
तनहुँ भानु नगरपालिका-९ डुम्रे खर्कस्थित सडकमा ग.१ त ५४४५ नम्बरको ट्याक्टरबाट खसेर सोही नगरपालिका पुर्कोट बस्ने २३ वर्षीया एलिना श्रेष्ठको शुक्रबार बेलुकी मृत्यु भएको छ । ट्याक्टरबाट खसेर गम्भीर घाइते भएकी उनको लक्ष्मी अस्पताल डुम्रेमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
झापा गौरादह नगरपालिका-१ स्थित सडकमा रोकी राखेको को.१ ख २४७९ नम्बरको ट्याङ्करमा मे.२ प ३९१२ नम्बरको मोटरसाइकल ठोक्किएर शनिबार साँझ दुर्घटना हुँदा मोटरसाइकल चालक सोही नगरपालिका-९ बस्ने ३६ वर्षीय राम सोरेनको घटनास्थलमै मृत्यु भएको छ । हाल फरार रहेका ट्याङ्कर चालकको प्रहरीले खोजी गरिरहेको छ ।
धनुषा विदेह नगरपालिका-६ एकराहीस्थित सडकमा बिआर ०७ पिडी ३९०२ नम्बरको स्कारपियोको ठक्करबाट पैदलयात्री सोही ठाउँ बस्ने ४० वर्षीय हरीचन्द्र खत्वे मण्डलको शनिबार बेलुकी घटनास्थलमै मृत्यु भएको छ । साथै उक्त स्कारपियोको ठक्करबाट घाइते भएका साईकल चालक सोही ठाउँ बस्ने ४२ वर्षीय कुल्दिप महराको स्थानीय मेडिकलमा र साइकल सवार ४० वर्षीय दिपु महराको रामजानकी अस्पताल जनकपुरमा उपचार भइरहेको छ । स्कारपियो चालकलाई प्रहरीले नियन्त्रणमा लिएको छ ।