काठमाडौँ । ललितपुर महानगरपालिका ७ ग्वार्कोमा ट्याङकरको ठक्कर दिँदा एक पैदलयात्रीको मृत्यु भएको छ । मृत्यु हुनेमा मंगलबजार बस्ने ४२ वर्षीय राज महर्जन रहेका छन् ।

ठक्करबाट घाइते भएका उनलाई उपचारका लागि पाटन अस्पताल लैजाँदै गर्दा बाटोमै मृत्यु भएको हो । शुक्रबार राति पौने ८ बजे बा २ ख ६५१० नम्बरको ट्याङकरले पैदलयात्रीलाई ठक्कर दिएको प्रहरीले जनाएको छ ।

ठक्कर दिने ट्याङकरसहित चालकलाई प्रहरीले नियन्त्रणमा राखेको छ ।