काठमाडौँ । पछिल्लो समय दक्षिण एसियाली मुलुक श्रीलंका आर्थिक संकटसँग जुधिरहेको छ । आर्थिक संकटका कारण सरकारले पेपर किन्न नसक्दा करिब ४५ लाख विद्यार्थी परीक्षा दिनबाट बञ्चित भएका छन् ।

अत्यावश्यक सामान खरिद गर्नसमेत देशमा रकम नभएपछि सरकारले सामान खरिद गर्न कोटा प्रणाली लागु गरेको छ । पेट्रोलिय पदार्थको केन्द्रमा सैनिक खटिएका छन् ।

यसैबीच पछिल्लो मार्च महिनामा मात्रै श्रीलंकामा एक लाखभन्दा बढी पर्यटक पुगेका छन् । ट्राभल्स भ्वाइसका अनुसार मार्च महिनामा मात्रै एक लाख एक हजार १९२ जना विदेशी पर्यटक श्रीलंका पुगेका हुन् ।

यसले श्रीलंकामा केही मात्रामा विदेशी मुद्राको सञ्चिती हुने देखिएको छ । यो श्रीलंकाका लागि सकारात्म पक्ष हो ।