काठमाडौँ । प्रधानमन्त्री तथा नेपाली कांग्रेसका सभापति शेरबहादुर देउवा तनहुँ जाँदै छन् । जिल्लामा हुने विभिन्न चार वटा कार्यक्रममा सहभागी हुन उनी तनहुँ जाने भएका हुन् ।

प्रधानमन्त्री देउवा स्याङ्जाको कार्यक्रममा सहभागी भएर तनहुँ जाने भएका हुन् । तनहुँमा उनले तनहुँ जलविद्युत आयोजनाको स्थलगत अनुगमन गर्ने कार्यक्रम रहेको छ ।

त्यसपछि ऋषिङ गाउँपालिका १ झापुटारमा निर्माणधीन १४० मेगावाट क्षमताको तनहुँ जलविद्युत आयोजनाको स्थलगत निरीक्षण गरेपछि देउवा कांग्रेसको पार्टी कार्यालय दमौलीमा हुने छलफल कार्यक्रममा सहभागी हुने छन् ।

यस्तै, आठौँ तनहुँ महोत्सवको उद्घाटन गर्ने, ऋषिङ गाउँपालिकाको नवनिर्मित प्रशासकीय भवनको उद्घाटनलगायत कार्यक्रममा सहभागी हुने भएका छन् ।