काठमाडौँ । युएईमा सम्पन्न आईसीसी विश्वकप क्रिकेट लिग २ खेलेर नेपाली राष्ट्रिय टोली आज स्वदेश फर्कने भएको छ। टोली साँझ ७ः १० मा त्रिभुवन अन्तर्राष्ट्रिय विमानस्थलमा अवतरण गर्ने नेपाल क्रिकेट संघ (क्यान)ले जनाएको हो।

चार खेल खेलेको नेपालले युएईसँग भएको दुई खेलमा पराजित भएको थियो भने पपुवा न्युगिनीसँगको दुई खेलमा विजयी भएको थियो । नेपालले पहिलो खेलमा पपुवा न्युजिनी (पीएनजी)लाई दुई विकेटले पराजित गरेको थियो ।

यस्तै, दोस्रो खेलमा युएईसँग ४८ रन र तेस्रो खेलमा ९९ रनले पराजित भएको थियो। नेपालले मंगलबारको खेलमा पीएनजीलाई ७ विकेटले पराजित गरेको थियो।