नयाँ दिल्ली- पन्जाबमा शपथ लिने ११ मध्ये ७ मन्त्रीविरुद्धले अपराधिक मुद्दा खेपिरहेका छन्। जसमध्ये एक मन्त्रीले हत्याको मुद्दा खेपिरहेका छन्।
चुनाव सुधारको लागि काम गर्ने संगठन एसोसियसन फर डेमोक्रेटिभ रिफर्म्स (एडीआर)को एक रिपोर्टअनुसार ११ जनाभित्र मुख्यमन्त्री भगवंत मान पनि परेका छन्।
‘पन्जाब इलेक्सन वाच’ र एडीआरले मुख्यमन्त्रीसहित ११ जना मन्त्रीको शपथपत्रको विश्लेषण गरेका हुन्। एडीआर प्रतिवेदनका अनुसार गम्भीर आपराधिक मुद्दा भन्नाले पाँच वर्ष वा सोभन्दा बढी सजाय हुने अपराधलाई बुझाउँछ।
गम्भीर आपराधिक मुद्दाको सामना गरिरहेका चार मन्त्रीमध्ये मान पनि एक हुन्। अन्य तीन गुरमित सिंह मीत हेयर, कुलदीप सिंह धालिवाल र हरपाल सिंह चीमा छन्।
कुलदीप सिंह धालिवालमाथि एउटा हत्याको मुद्दा चलिरहेको छ भने अन्य तीन जनालाई यसअघि कर्तव्य पूरा गर्नबाट रोक्ने कोशिसमा एक सरकारी कर्मचारीलाई चोट पुर्याएको आरोपमा मुद्दा चलाइएको थियो।
यी ११ मन्त्रीमध्ये नौजना करोडपति हुन्। उनीहरुसँग करिब २.८७ करोडको सम्पत्ति छ। यसैगरी, सबैभन्दा बढी सम्पत्ति होशियारपुरका ब्रम्हा शंकरसँग छ। उनीसँग करिब ८ करोड ५६ लाख रुपैयाँ छ।