काठमाडौँ । रूस-युक्रेन युद्धका बीच रूसी राष्ट्रपति पुटिनकी गर्लफ्रेण्ड तथा पूर्व जिमनास्ट खेलाडी अलिना काबेवा स्विट्जरल्याण्ड पुगेको समाचार बाहिर आएको छ। रूस, युक्रेन तथा बेलारूसका मानिसहरूले अलिनालाई स्विट्जरल्याण्डबाट बाहिर निकाल्न माग गर्दै अनलाइनमार्फत आग्रह गरिएको छ।
समाचारमा जनाइएअनुसार अलिना आफ्ना तीन बच्चाहरूका साथ एक लग्जरी घरमा बस्दै आएकी छन्। उनी कहाँ छन् भन्दै बाहिर निकाल्न गरिएको आग्रहमा अहिलेसम्म ५० हजारभन्दा बढी मानिसहरूले हस्ताक्षर गरिसकेका छन्।
करिब ३८ वर्षीय अलिना पुटिनको गर्लफ्रेण्ड मात्र नभई एक उच्च स्तरकी ओलिम्पिक गोल्ड मेडालिस्टसमेत हुन्। यसका साथै उनी पुटिनको युनाइटेड रशिया पार्टीकी सांसदसमेत हुन्।
समाचारमा जनाइएअनुसार स्विट्जरल्याण्डले पुटिन सरकारलाई पक्षमा देखिएको छ। जसका कारण अलिनालाई रुस-युक्रेनबीच जारी युद्धमा स्विट्जरल्याण्डले शरण दिएको हो। अलिना सार्वजनिक कार्यक्रममा कम मात्रमा देखिदै आएकी छन्। उनी पछिल्लोपटक सन् २०२१ को डिसेम्बरमा देखिएकी थिइन्।
अलिनाले सन् २००४ मा भएको ओलिम्पिकमा जिम्नास्टिकमा गोल्ड मेडल जितेकी थिइन्। द गार्जियन पत्रिकाले अलिना पुटिनको गर्लफ्रेण्ड भए पनि स्वीकार नगरेको दाबी गरेको छ।
अलिनाले आफ्नो करिअरमा दुई ओलम्पिक मेडल, १४ वर्ल्ड च्यापियनशिप तथा २१ युरोपियन च्यापियनशिप मेडल जितेकी थिइन्।
