काठमाडौँ । भारत तथा एशियाकै दोस्रो धनी गौतम अडानीको सम्पत्ति पछिल्लो एक वर्षमा ४९ अर्ब डलरले बढेको छ। अर्थात ५९ खर्ब २९ अर्ब रुपैयाँले वृद्धि भएको हो।

यस्तै, रिलायन्स इण्डस्ट्रिजका प्रमुख मुकेश अम्बानीको कूल सम्पत्ति एक खर्ब तीन अर्ब अमेरिकी डलर रहेको छ। यस वर्ष उनको सम्पत्तिमा २४ प्रतिशत वृद्धि भएको हो। जबकी, अडानीको सम्पत्तिमा १५३ प्रतिशतले वृद्धि भएको थियो। योसँगै अडानीसँग कूल ८१ अर्ब अमेरिकी डलरको मालिक बनेका छन्।

पछिल्लो १० वर्षमा अम्बानीको सम्पत्तिमा ४०० प्रतिशतले वृद्धि भएको छ। यसैबीच अडानीको सम्पत्तिमा एक हजार ८३० प्रतिशले वृद्धि भएको समाचारमा जनाइएको छ।

अडानी नवीकरणीय ऊर्जा कम्पनीका मालिक हुन्। यसबाहेक उनका अनेकौँ कम्पनीहरू रहेका छन्।