काठमाडौँ । अमेरिकी राष्ट्रपति जो बाइडेनले रुसी समकक्षी भ्लादिमिर पुटिनलाई ठग तथा हत्यारा तानाशाहको संज्ञा दिएका छन् । सेन्ट प्याट्रिक दिवसको अवसरमा क्यापिटल हिलमा आयोजित कार्यक्रममा बोल्दै बाइडेनले पुटिनमाथि यस्तो टिप्पणी गरेका हुन् ।

युक्रेनमाथि सैन्य हमला गरिरहेको रुसको आक्रमणमा परी चेर्नोविलमा एक अमेरिकी तथा केही युक्रेनी नागरिकको मृत्यु भएको थियो । उक्त घटनापछि बाइडेनले पुटिनलाई हत्यारा तानाशाहको संज्ञा दिएका हुन् ।

अमेरिकी सेक्रेटरी अफ स्टेट एण्टनी ब्लिंकेनका अनुसार घटनामा एक अमेरिकी नागरिकको मृत्यु भएको हो । समाचार संस्था सिएनएनका अनुसार ६८ वर्षीय अमेरिकी नागरिक जेम्स ब्हिटनी हिलको मृत्यु भएको हो ।

रुसले आफ्नो छिमेकी मुलुक युक्रेनमाथि हमला गरको आज २३ औँ दिन पूरा भएको छ । यस अवधिमा दुवै देशका हजारौँ सेना तथा सर्वसाधरणले ज्यान गुमाएका छन् ।

यस्तै युक्रेनबाट करिब ३० लाखभन्दा बढी सर्वसाधरण सुरक्षित ठाउँको खोजीमा पलायन भएका छन् । रुसी सेना युक्रेनको राजधानी किभनजिक पुगेको समाचार आइरहँदा युद्ध थप जटिल बन्दै गएको छ । एजेन्सी