काठमाडौँ । विश्व सुन्दरी प्रतियोगिताको उपाधि पोल्याण्डकी क्यारोलिना बेइलावस्काले जितेकी छिन् । अमेरिकाको पुएर्तोरिकोमा आज सम्पन्न ७० औँ संस्करणमा उनी विजेता घोषित बनेकी हुन् ।

यस्तै, प्रतियोगितामा अमेरिकाकै श्री साइनी फस्ट रनरअप र कोटे डी आइभोरकी ओलिभिया एस सेकेण्ड रनरअप बनिन् ।

नेपालको प्रतिनिधित्व गरेकी मिस नेपाल नम्रता श्रेष्ठ अन्तिम १२ मा छनौट हुन सकिनन् । उनी टप ३० मा मात्रै सीमित बनिन् ।

कोरोना महामारीले यसपटकको फिनालीमा ४० जना सुन्दरी मात्रै सहभागी भएका थिए ।