काठमाडौँ । रूसी सेनाले युक्रेनमा सैन्य हमला गरेको आज १७ दिन भएको छ । यस क्रममा युद्धमा परी हजारौँ मानिसले ज्यान गुमाएका छन् ।

युद्धका कारण २५ लाख सर्वसाधरणले देश छाडेर पलायन भएका छन् । उनीहरू छिमेकी मुलुमा पुगेका छन् । जसमा तेस्रो देशका नागरिकहरूसमेत रहेका छन् ।

युद्धमा रुसी सेनाले युक्रेनको मेलिटोपोल नगरको मेयर इवान फेडोरोवलाई अपहरण गरेको समाचार आएको छ । एक युक्रेनी संसदले ट्वीटमार्फत मेयरको अपहरण भएको जानकारी दिएका हुन् ।

मेयरको अपहरणपछि राष्ट्रपति जेलेन्स्कीले यो आतंक‌कारी जस्तै व्यवहार भएको बताएका छन् । ‘यो रूसी सेनाको कमजोरीका संकेत हो, उनीहरू आतंकको तहमा पुगेका छन्,’ जेलेन्स्कीले भनेका छन्, ‘मेलिटोपोलका मेयरको अपहरण एक अपराध हो, रूसी सेना इस्लामिक स्टेटको आतंकवादी जस्तै हर्कत गर्दै छ ।’