काठमाडौँ । रूसी मिडिया नियामकले फेसबुकले रूसी मिडिया र सूचना स्रोतविरुद्ध भेदभाव गरेको भन्दै यसको प्रयोगमा रोक लगाएको घोषणा गरेको छ ।
मिडिया रिपोर्टले बीबीसी र ड्यूचे वेले, ट्विटर, एप्पल र गुगलका एप स्टोरको रूसी वेबसाइट सबै ब्लक गरिएको बताए । मार्च २०२२ मा रुसी भाषामा फेसबुक नेटवर्क (मेटा प्लेटफर्म, इंकको स्वामित्वमा रहेको)मा पहुँच रोक्ने निर्णय गरिएको हो ।
‘हामीले हाम्रा सेवाहरू पुनःर्स्थापना गर्न सक्दो प्रयत्न जारी राख्ने छौँ ताकि तिनीहरू सुरक्षित रूपमा आफूलाई अभिव्यक्त गर्न र कार्यको लागि संगठित गर्न मानिसका लागि उपलब्ध होऊन्,’ क्लेगले विज्ञप्तिमा उल्लेख गरेका छन् ।
यस हप्ताको शुरुमा मेटाले राटी र स्पुतनिकजस्ता रूसी मिडिया आउटलेटमा पहुँच प्रतिबन्धित गरेको थियो । फेसबुकको सुरक्षा नीति प्रमुखले कम्पनीले युक्रेनको अवस्थालाई नजिकबाट नियालिरहेको र आफ्नो प्लेटफर्ममा मानिसको सुरक्षाका लागि चालेका कदम साझा गरिरहने बताएको थियो ।
सोमबार, ट्विटरले भन्यो कि यसले रूसी राज्य–सम्बन्धित समाचार स्रोतमा लिंक गर्ने ट्विटको पहुँचलाई व्यवस्थित र सीमित गर्ने छ । यसले युक्रेन र रुसमा विज्ञापन ‘गम्भीर सार्वजनिक सुरक्षा जानकारी उच्च छ भन्ने सुनिश्चित गर्न’ अस्थायी रूपमा निलम्बन गरिरहेको छ ।
यस हप्ताको शुरुमा अमेरिकाले मस्कोलाई ‘मिडिया स्वतन्त्रता र सत्यमा पूर्ण आक्रमण’ बढाएको आरोप लगाएको थियो ।
