मेलबर्न- वैज्ञानिकहरूले आँखाका सेलहरूको आयु पत्ता लगाउन नयाँ उपकरण विकास गरेका छन्। ‘रिजेनेरेटिभ टिस्यु’को नमूनामार्फत आँखाका सेलहरूको आयु पत्ता लगाउन सकिने भएको छ।
तपाईंका आँखा कति बुढा भए ? अब वैज्ञानिकहरूले विकसित गरेको एक घडीले बताउने छ।
त्यसबाट आँखामा लाग्ने रोगको उपचारमा उत्तम विधि विकसित गर्ने वैज्ञानिकहरूको लक्ष्य छ। स्ट्यानफोर्ड विश्वविद्यालयका शोधकर्ताहरूको टोलीले आँखाको तरल पदार्थ विश्लेषण गर्न प्रयोग गरिने प्रविधि विकास गरेका हुन्। त्यसबाट आँखाको तरल पदार्थमा पाइने करिब ६ हजार प्रोटिनको जानकारी आँखाका कोशिकाहरूबाट प्राप्त गर्न सकिने छ।
४६ जना अन्य शारीरिक हिसाबमा स्वस्थ तर आँखाको रोग लागेकाहरूको तरल पदार्थको विश्लेषण गर्न वैज्ञानिकहरूले आर्टिफिसियल इन्टेलिजेन्स (एआई) प्रयोग गरेका थिए। त्यसबाट आँखाको आयुको क्रस-कन्फरेन्स गर्न सकिन्थ्यो। त्यसबाट एआईले आँखाको तरल पदार्थबाट आयु पत्ता लगाउन सकिने वैज्ञानिकहरूको विश्वास छ।
‘कुनै पनि प्रकारको चिकित्सा विकसित गर्न पहिलो कदम अणुहरूलाई बुझ्नु जरुरी छ,’ विश्वविद्यालयका नेत्र रोग विशेषज्ञ विनित महाजनले भने।
आँखाको आयु गणना गर्ने घडी स्थापित गरेपछि शोधकर्ताहरूले कसरी विशिष्ट नेत्र रोग कोशिकाले उमेर बढाउन तीव्रता ल्याउँछ भन्ने पत्ता लगाएका छन्। र, उनीहरूले ६२ जना आँखाका रोगीको नेत्र द्रवमाथि विश्लेषण गरेका थिए।
रगतको आपूर्तिमा कमीका कारण रेटिनाका कोशिकाहरूमा नोक्सानी पुगिरहेका रोगीहरूको आँखा स्वस्थ बिरामी (अन्य शारीरिक समस्या नभएका)हरूको तुलनामा १२ वर्ष बुढो भएको पाइएको थियो। आँखाभित्र सुन्निने समस्या भएकाहरूका आँखा त ३० वर्ष बुढो पाइएको थियो।
हरेक प्रकारका रोगका लागि जिम्मेवार कोशिकाहरू अलग-अलग पाइएको थियो। अलग-अलग रोगमा एकै प्रकारका कोशिका नहुने कारणले नै तिनको उपचारमा फरक विधि प्रयोग गरिँदै आएको छ। र, वैज्ञानिकहरू फरक अभ्यासमार्फत उपचारका नयाँ विधि पत्ता लगाउन प्रयासरत रहन्छन्। महाजनका अनुसार शोधकर्ताहरूले यस्तो आणविक फिंगरप्रिन्ट विकसित गरेका छन्, जसले हरेक रोगीका लागि काम गर्न सक्छ।
साइन्स अलर्टबाट
