काठमाडौं- आज पाँचवटा प्रदेशमा मुसलधारे वर्षा हुने जल तथा मौसम विज्ञान विभागको पूर्वानुमान छ।
विभागका अनुसार कोशी, मधेश, वागमती, गण्डकी र लुम्बिनीका केही स्थानमा मेघ गर्जन र चट्याङसहित भारी वर्षा हुने सम्भावना छ।
यस्तै, कोशी, मधेश, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। साथै, मधेश र कोशीको तराईका थोरै स्थानमा हावाहुरी आउने सम्भावना पनि छ।
हाल मनसुनको न्यून चापीय रेखा पश्चिममा सरदर स्थानको आसपास र पूर्वमा सरदर स्थानभन्दा माथि अवस्थित छ। साथै, भारत बिहारको दक्षिण–पश्चिम क्षेत्रमा विकसित न्यून चापीय प्रणालीको प्रभाव पनि नेपाली आकाशमा देखिएको छ।
आज दिउँसो कोशीमा सामान्य बदली रही बाँकी प्रदेशमा आंशिकदेखि सामान्य बदली रहनेछ। कोशी, मधेश, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी, वागमती, गण्डकी र लुम्बिनीका एक वा दुई स्थानमा भारी वर्षाको सम्भावना छ। मधेश र कोशीको तराईका थोरै स्थानमा हावाहुरी आउने सम्भावना पनि छ।
आज राति कोशी, मधेश र वागमतीमा आंशिकदेखि सामान्य बदली रही बाँकी प्रदेशमा आंशिक बदली रहनेछ। कोशी, मधेश, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी र मधेशका केही स्थानमा भारी वर्षा हुने सम्भावना छ।