महोत्तरी– महाेत्तरीकाे बर्दिबासमा २१ वर्षीया महिलालाई जबरजस्ती करणी गरेको अभियोगमा ४५ वर्षीय पुरुष पक्राउ परेका छन्।

बर्दिबास नगरपालिका-१० खैरबनाका ४५ वर्षीय सोम बहादुर थिङलाई सोमबार दिउँसो प्रहरीले पक्राउ गरेको हाे।

थिङले ती महिलालाई बर्दिबास-१० काे खैरबना झोरा खोला छेउको झार जंगलमा जबरजस्ती करणी गरेको भन्ने उजुरीको आधारमा ईलाका प्रहरी कार्यालय बर्दिबासबाट खटिएको प्रहरीले उनलाई पक्राउ गरेको हो।

यस सम्बन्धमा प्रहरीले थप अनुसन्धान गरिरहेको बताएकाे छ।