मेष- खराब व्यक्तिको कुरा सुन्न छाड्नु होला, नत्र सर्वत्र आलोचित बन्नु पर्ला। स्वास्थ्य राम्रो रहने छ। पराक्रम बढ्ने र धनलाभको योग छ। अवसरहरूले पछ्याउने छन्।
वृष- आजको दिन पराक्रम बढ्ने, प्रतिष्ठा प्राप्त हुने एवं रोग र शत्रुबाट छुटकारा मिल्ने योग छ। मित्रजन खुशी भएर हरेक काममा साथ दिने छन्। रोकिएका कामहरू फटाफट सम्पादन हुने छन्।
मिथुन- चल अचल सम्पत्तिमा विवाद देखिने छ। परिवारमा असमझदारी हुनेछ। मिहिनेतपूर्वक जीवनशैलीमा परिवर्तन ल्याउन जरुरी छ। अन्धविश्वासले दुःखबाहेक केही दिने छैन।
कर्कट- गलत व्यक्तिको संगतले मान सम्मानका कमी आउने छ। आम्दानीका स्रोत बढ्ने छन्। हातमा आएको अवसर गुम्ने सम्भावना रहेकाले सावधानी अपनाउनु होला।
सिंह- आजको दिन सिर्जनात्मक काममा मन जाला। प्रतिस्पर्धीहरू माथि विजयश्री प्राप्त हुनेछ। कतैबाट कर्णप्रिय समाचार सुन्न पाइएला।
कन्या- घरजग्गाको कारोबारमा राम्रो लाभ हासिल हुनेछ। व्यापार, व्यवसाय पनि फस्टाएर जाने छन्। कुल कुटम्ब र साथीभाइको सहयोग प्राप्त होला। टाढाको यात्राको योग छ।
तुला- आजको दिन स्वास्थ्य कमजोर रहने छ। पेटको समस्या देखिने भएकाले खानपानमा विशेष सावधानी अपनाउनु होला। सरकारी निकायको भय रहन सक्छ।
वृश्चिक- आज शरीरमा रोगले सताउला। जीवन साथीलाई पनि स्वास्थ्यको समस्या देखिन सक्छ। साथीभाइ र आफन्तजनको भने साथ पाइने छ।
धनु- आर्थिक संकट समाधान हुन सक्छ। नयाँ काममा हात हाल्ने योग छ। सामाजिक, राजनीतिक काममा प्रसिद्धी मिल्न सक्छ। नयाँ उद्यम शुरु हुन सक्छ।
मकर- टाढाको लाभदायक यात्रामा निस्किने योग छ। अवसरहरूले पछ्याएका छन्, हात पार्ने कोशिस गर्नु होला। घरजग्गा कारोबारमा विवाद देखिन सक्छ।
कुम्भ- स्वास्थ्य बिग्रिनाले महत्त्वपूर्ण काममा ध्यान दिन नसकिएला। विशिष्ट व्यक्तित्वको साथबाट मनमा उत्साह देखिन सक्छ। आजको दिन घरायसी काममै समय व्यतित होला।
मीन- परिवारमा असन्तुष्टी देखिन सक्छ। आर्थिक संकटबाट बाहिर निस्किन सकिएला। चोटपटक लाग्ने योग भएकाले घरेलु हतियार र सवारी साधन चलाउँला सावधान रहनु होला।