मेष- साहस जुटाउन सकेमा आज दीर्घकालीन काममा हाम फाल्न कुनै सकस हुने छैन। सामाजिक मान, सम्मान प्राप्त होला। आजको दिन भाग्य बलियो छ।
वृष- आजको दिन आफ्ना लागि प्रतिकुल समय छ। तथापि, अपेक्षाकृत कामहरू साथीभाइको सहयोगमा फटाफट सम्पादन हुने छन्। अरूले उपयोग गर्ने चेष्टा गर्ने छन्।
मिथुन- आकस्मिक धनलाभको योग छ। स-साना काममा अल्झिनु पर्दा ठूला काम फत्ते गर्न नसकिएला। आफ्ना योजनाहरू गोप्य राख्नु नै उत्तम हुनेछ।
कर्कट- आजको दिन टाढाको रमणीय यात्रामा रमाउन पाइएला। कृषि र पशुपालन व्यवसायबाट राम्रो लाभ हासिल होला। आज प्रतिष्ठा आर्जन गर्ने योग छ।
सिंह- खानपानमा ध्यान नदिँदा स्वास्थ्य समस्या बेहोर्नुपर्ने हुन सक्छ। विशिष्ट व्यक्तित्वले ठूलो लाभको क्षेत्र औंल्याउलान्। आज पारिवारिक जमघटमा रमाउने समय छ।
कन्या- अपेक्षाकृत लाभ कम होला। तथापि, विगतको कामबाट राम्रो आम्दानी प्राप्त हुँदा मन प्रफुल्लित रहने छ। अनावश्यक खर्चका कारण आर्थिक अभाव झेल्नु पर्ला।
तुला- अनावश्यक जमघटमा समय नदिनु आजको दिन उत्तम हुनेछ। सहयोगीहरूको साथ पाइने छ, इर्श्या गर्नेहरू पाखा लाग्ने छन्। समयमा निर्णय लिन नसक्दा हातमा आइसकेको अवसर फुत्किन सक्छ।
वृश्चिक- आजको दिन राम्रो आम्दानी लिन सकिने छ। प्रतिष्ठित काम गर्दै समाजमा इज्जत बढाउन पाइने छ। आज पराक्रम बढ्ने योग छ।
धनु- नजिकिएर धोका दिनेहरूबाट सावधान रहनु होला। ठूला व्यक्तित्वको सहयोगले महत्त्वपूर्ण काम सम्पादन होला। व्यापार, व्यवसाय राम्रो रहला।
मकर- खानपानमा ध्यान नदिँदा रोगले सताउला। परिश्रमको उचित मूल्यांकन हुनेछ। साझेदारी व्यवसाय फस्टाएर जाला।
कुम्भ- आज आत्मविश्वास दरिलो हुने योग छ। अधुरा कामहरू धमाधम सम्पादन हुन थाल्ने छन्। विवादको योग रहेकाले तौलिएर मात्र बोल्नु उचित हुनेछ।
मीन- आज उद्यम र व्यापारमा राम्रो लाभ हासिल होला। तथापि, इष्टमित्रलाई टाढा हुन नदिनु होला। आज भौतिक सम्पत्ति आर्जन हुने समय पनि छ।