काठमाडौं – राजु गिरीको निर्देशन रहेको फिल्म ‘नम्बरी सुन’ को फष्टलुक पोस्टर सार्वजनिक गरिएको छ ।
नयाँ वर्षको अवसर पारेर निर्माण युनिटले फिल्मको फष्टलुक सार्वजनिक गरेको हो । फष्टलुकमा कलाकार गौरव पहारी र नम्रता सापकोटा फिचर्ड छ । फष्टलुक सार्वजनिकसँगै फिल्मको रिलिज मिति भाद्र १ गते घोषणा गरिएको छ ।
नारायण खातीको कथा तथा प्रस्तुति रहेको फिल्ममा गौरव पहारी, नम्रता सापकोटा, सरोज खनाल, राजाराम पौडेल, राजेन्द्र खड्गी, बुद्धि तामाङ, किरण नेपाली, सविन बास्तोला, विनोद न्यौपाने, गीता अधिकारी लगायत कलाकारको अभिनय छ ।
सुवर्ण शिभान्स प्रोडक्सनको ब्यानरमा निर्माण भएको फिल्मको पटकथा तथा संवाद शिवम् अधिकारीले लेखेका हुन् । अर्जुन पोखरेल र सन्तोष श्रेष्ठको सङ्गीत, रामजी लामिछानेको नृत्य निर्देशक, समीर मियाँको भिएफएक्स, दिव्य सुवेदीको छायांकन, देव महर्जनको द्वन्द्व निर्देशन, गौतम राज खड्काको सम्पादन रहेको छ ।
बिनोद भुजेलको ब्याकग्राउन्ड स्कोर, मनोरञ्जन श्रेष्ठको कलर करेक्सन, मुख्य सहायक निर्देशकमा जिवन गौतम रहेका छन् । ‘नम्बरी सुन’लाई काठमाडौं उपत्यकामा जिजिए ग्रुप र उपत्यका बाहिर एफडी कम्पनीले वितरण गर्दैछन् ।