काठमाडौँ – नेपाल सङ्गीत तथा नाट्य प्रज्ञा प्रतिष्ठान र माला आर्टस् एकेडेमीको संयुक्त आयोजनामा ६२ औं विश्व रङ्गमञ्च दिवस मनाइएको छ ।
संस्कृति पर्यटन तथा नागरिक उड्डयन मन्त्री सुदन किराँतीको प्रमुख आतिथ्यतामा आयोजित कार्यक्रममा नाटककार अभि सुवेदीले अन्तर्राष्ट्रिय नाट्य समूहको सन्देशका रूपमा इजिप्टकी अभिनेत्री समिहा अयुवद्वारा लिखित सन्देशको नेपाली अनुवाद वाचन गरिएको हो ।
कार्यक्रममा कुलपति निशा शर्माले आगामी कार्यक्रम तथा योजनाहरुका बारेमा बताउदै मौलिक कलाको प्रर्वद्धनका निम्ति हरेक पालिकामा रहेका मौलिक कला तथा सोसँग सम्बिन्धित व्यक्तिहरुसँगको अन्र्तवार्ता आर्काइभका रुपमा राख्नु पर्नेमा जोड दिए।
कार्यक्रममा वरिष्ठ अभिनेता सरोज खनालले शुभकामना मन्तव्य व्यक्त गदै आफूसँग रङ्गकर्मको ३६ वर्षको अनुभव रहेको र रङ्गमञ्चलाई प्रवद्र्धन गर्नका निम्ति माला आर्टस् एकेडेमीमार्फत विविध गतिविधिहरु गर्र्दै आएको बताए ।
कार्यक्रममा डा. शिव रिजालले विश्व रङ्गमञ्च र नेपालको उल्लेखनीय भूमिका विषयमा आफ्नो भनाइ राख्दै नेपालमा रङ्गकर्मीहरुले विभिन्न नाट्य संस्था मार्फत गतिविधिलाई गतिशील बनाइरहेको अवस्थामा नाट्यकर्मी तथा रङ्गकर्मीहरुले यस क्षेत्रबाट जिविकोपार्जन भएकाले उनीहरुलाई श्रमिकका रुपमा बुझ्न ढिला गर्न नहुने बताए ।
कार्यक्रममा प्रज्ञा प्रतिष्ठान कुलपति भुपाल राई तथा ललितकला प्रज्ञा प्रतिष्ठानका कुलपति नारदमूनि हार्तुछाली, प्रज्ञा प्रतिष्ठानका सदस्य सचिव, नेपाल सङ्गीत तथा नाट्य प्रज्ञा प्रतिष्ठानका प्राज्ञ लागयत वरिष्ठ स्रष्टा तथा सर्जकहरु उपस्थिति भएका थिए ।